انا بدي اعيط
عم بحاول اعمل زيكم يا مقلعين و اغير في التصميم عشان اصير كول على طول
يعني صرت افهم سي اس اس و الجادجت وما بعرف شو
بس مو عارف ازبط ال ريسنت كومنت
الالوان زفت اسود زي الى على سطوح دارنا و بدي اياهم زي الالوان التانية
و البلوج زفت ما بخليني
يعني بعجبو البلوج سبوت اني افيز على امريكيا شيكا بيكا و احرق حالى على باب جوجل؟ عشان يخلوني اغير اللون
اجولكو انا بدي اعيط
و عشان يكون حرقي لاهداف سامية عدا عن موضوع الالوان رح اضيف عل القائمة:
- شرف الامة العربية المهدور من يعني عدة عقود
- كل مظلوم في الوطن العربي
- كل جوعان و محتاج في الوطن العربي و العالم
- كل واحد سيارته ابتخرب في ازنخ الاوقات و انه مو حافظ ولا رقم وموبايلو خالصة بطاريته
- كل واحد ابوه و امه عندهم فيسبوك و هو لأ
- كل واحد مديره ازنخ من الزناخة و اكبر منه حجما ما ابتقدر تضربو
- كل واحد طعمى قطة و عضتو لانه تاخر في اللقمة الى بعدها
- كل واحد غرفته ملزقة بغرفة جيرانه و مضطر يسمع سواليفهم الطرمة اللي تبدا من بعد منتصف الليل
- مش طايق اشوف موضة شعر الواكس على شعر شبابنا اللى برفع الراس
- ما في ولا محل حلويات - مخبز رضى يتبناني و يطعميني قد ما بدي
و في النهاية زي البداية
انا بدي اعيط
11 كعكيات:
معلش بدّك فتره لتسوق منيح لسّا جديد طلعنالك رخصه...كل شي بدك اياه فورا يجي؟؟؟
هلأ كل اهدافك الساميه كوم و موضوع
"كل واحد ابوه و امه عندهم فيسبوك و هو لأ"
كوم تاني :)
عكلن احنا جاهزين بالمساعده دائما ....لكن اعتقد ان الدكتور وحل هو الحرّيف بيناتنا :)
لا تعمل اشي رجعها متل ما كانت بالاول كان كتير حلو و كنت ناوية والله أقلك ما تغيره
عكلا عادي اسأل مجرّب ولا تسأل حكيم أنا ياما عجبت عصفحتي
بس بالاخير الابسط هو الاحسن
خلص لا تعيط
(-_-')
جرب و اغلط و جرب و اغلط و حط ألوان خنفشارية و .. و ..
بالآخر بتزبط
:)
*و هي باكيت فاين
** ريسنت كومنتس = آخر تعليقات كتبوها الناس الفجعانين اللي بدهم كعك بيظهروا بالصفحة الرئيسية و هيك
مو التعليقات على آخر بوست، لأ التعليقات الأخيرة حتى لو كانت لبوستس قدام
و بتقدر تحدد كم تعليق يظهر بهال أبليكايشن + مكانه بالصفحة الرئيسية و هيك
:))))
بدك تحرق الكعك ؟؟ و تعبي الدنيا ريحة شياط ؟؟
شوي شوي بتزبط الأمور :)
@whisper
شو بدي احكيلك يعنى... كعكتي محروقة و بدي كلشي بسرعة
اما بالنسبة لموضوع وجه الكتاب...
فلا تعليق
@rain
ليش؟ بدي بلوجي يصير حلو
عاوز اتفشخر قدام اصحابي
انا سرقت اشي من بلوجك
خلص... عيطت و خلصت
@haitham
اسمك جايب و جايب يعني
كان جبت كعك بدل باكيت فاين
الدموع بمسحها في كمي
وع وع وع وع
@ هديل
خلص، شكلو رح يضل بشع
امي بهدلتني عشان طول النهار ملزء بالكمبيوتر
للاسبوع الجاي محاولة اخرى
أنا!
أجيب شي!
أصلا ً الفاين سرقته سرقة
إه
قال أجيب كعك قال!
و عفكرة ويسبر مانّي خايف منها!
و لا بتقلي بيضة أصلا ً ... و هع!
يعني رين عمرو ما كان عاجبها العجب
ما بعرف بس الوضع مليح زي ما أنا شايفو الألوان راكبة و زي الكعك بعجوة
@w7l
كان مغير الثيم ز كان في شوبة مشاكل
فرسيت على الاحمر هاد
حتى اشوفر اكثر و احاول اغير مرة اخرى
@haitham
السرقة مو منيحة ... زي ما قلت عن البيبسي
Post a Comment