هاد اليوم رحت زرت جدتي اللا يطول بعمرها و إعمار حبايبكو، جدتي ساكنه في بيت العيلة في الطابق الثاني
فمريت وسلمت علي دار عمي و سولفنا و نمينا على عدد من افراد العيلة.... و سواليف المية ضعيفة و الخ...
المهم قبل ما اطلع اوقع على سجل الحضور عند جدتي، مرت عمي بتقولي دير بالك يا كعكي، جدتك مخشبه اليوم و السبب بخصك إنتا
قلتها الله اكبر شو سويت انا...صارلي اسبوع ما شفت حدا ولا عملت إشي... شو السولافة؟
فطلعت السولافة من قصيرها، كان في بنت بتكمل ماجستير في الاردنية ...ابتقربلنا من بعيد ومتغربه هون... وكان اهلي ودار عمامي بيعزموها كل فترة و فترة... و هاي جدتي كانت حاطة براسها اتجوز البنت لكعكي... وطلعت العيلة كلها عارفة السولافة و انا ما عندي خبر
المهم البنت خلصت و روحت عبيت اهلها و وصل خبر انها خطبت....
وقامت الدنيا.... كيف تخطب واحد غير كعكي ....
عمي بناطح مح جدتي: البنت شو بعرفها، في حدا لمحلها... البنت بتحكي عن كعكي زي اخوها... ليش ما قلتي لكعكي و ابوه
وجدتي خلص... اتشوف العما ولا تشوف هل البنت المسكينة الي ما بتعرف اشي عن الطبخة.
طلعت عند ستي... كيفك يا حجة؟ شو اخبارك؟
قلة هلا... شو جيبك هون؟ صارلك شهر ما مريت عندي
ول ول يا حجة؟ شو مالك معصبة؟ كل الي غبتهم عنك اسبوع لما جبتلك الدوا... شو حجة؟ بدينا نخربط؟ هاتي بوسة يا قمر
ولك روح يا هامل ما بدي اشوف وجهك بعد اليوم... ضلك هامل وسرسري وداير على حل شعرك
خير يا حجة؟ من شو طالع خلقك؟ مين مزعلك؟
انت مزعلني، صارلك اكمن سنة عم تشتغل ولسا ما اتجوزت، داير صايع مع صحابك لنصاص الليالي بدل ما تنستر وتنضب
حجة بعدين معك؟ قلتك بس احوشلي قرشين... و بعدين صارلي 4 سنين بشتغل، من وين بدي احوش؟ قلتلك الشركة ما ابتعطي زيادات ولساتني بدفع حق السيارة، والشركة عم بتمص دمنا... والله يا حجة بدي اتجوز و انتي الي بدك تنقيلي الصبية... بلانا من طولة السيرة روقي شوي، اسمعي... خلي بنتك تسوي شاي وهسا بجيبلك حمص و فلافل نتعشي، شكلو امي مو طابخة اليوم...
جبنا الحمص و تعشينا، بسنا عراسها و زوبعت علي الدار بسرعة ليش؟
لانه جدتي مو صحبة مع الكعك عندها سكري
فمريت وسلمت علي دار عمي و سولفنا و نمينا على عدد من افراد العيلة.... و سواليف المية ضعيفة و الخ...
المهم قبل ما اطلع اوقع على سجل الحضور عند جدتي، مرت عمي بتقولي دير بالك يا كعكي، جدتك مخشبه اليوم و السبب بخصك إنتا
قلتها الله اكبر شو سويت انا...صارلي اسبوع ما شفت حدا ولا عملت إشي... شو السولافة؟
فطلعت السولافة من قصيرها، كان في بنت بتكمل ماجستير في الاردنية ...ابتقربلنا من بعيد ومتغربه هون... وكان اهلي ودار عمامي بيعزموها كل فترة و فترة... و هاي جدتي كانت حاطة براسها اتجوز البنت لكعكي... وطلعت العيلة كلها عارفة السولافة و انا ما عندي خبر
المهم البنت خلصت و روحت عبيت اهلها و وصل خبر انها خطبت....
وقامت الدنيا.... كيف تخطب واحد غير كعكي ....
عمي بناطح مح جدتي: البنت شو بعرفها، في حدا لمحلها... البنت بتحكي عن كعكي زي اخوها... ليش ما قلتي لكعكي و ابوه
وجدتي خلص... اتشوف العما ولا تشوف هل البنت المسكينة الي ما بتعرف اشي عن الطبخة.
طلعت عند ستي... كيفك يا حجة؟ شو اخبارك؟
قلة هلا... شو جيبك هون؟ صارلك شهر ما مريت عندي
ول ول يا حجة؟ شو مالك معصبة؟ كل الي غبتهم عنك اسبوع لما جبتلك الدوا... شو حجة؟ بدينا نخربط؟ هاتي بوسة يا قمر
ولك روح يا هامل ما بدي اشوف وجهك بعد اليوم... ضلك هامل وسرسري وداير على حل شعرك
خير يا حجة؟ من شو طالع خلقك؟ مين مزعلك؟
انت مزعلني، صارلك اكمن سنة عم تشتغل ولسا ما اتجوزت، داير صايع مع صحابك لنصاص الليالي بدل ما تنستر وتنضب
حجة بعدين معك؟ قلتك بس احوشلي قرشين... و بعدين صارلي 4 سنين بشتغل، من وين بدي احوش؟ قلتلك الشركة ما ابتعطي زيادات ولساتني بدفع حق السيارة، والشركة عم بتمص دمنا... والله يا حجة بدي اتجوز و انتي الي بدك تنقيلي الصبية... بلانا من طولة السيرة روقي شوي، اسمعي... خلي بنتك تسوي شاي وهسا بجيبلك حمص و فلافل نتعشي، شكلو امي مو طابخة اليوم...
جبنا الحمص و تعشينا، بسنا عراسها و زوبعت علي الدار بسرعة ليش؟
لانه جدتي مو صحبة مع الكعك عندها سكري