Bloggroll

Pages

Saturday, July 2, 2011

كعكي والفوبيا

كعكي اكتشف بعد تمنتعشر سنة في سنوي
أني عندي فوبيا من الاماكن الصغيرة المغلقة

بابا كعكي اجاني الصبح وبقلي إلك ولا للذيب
قلتلو خسا الذيب

قال لي البس شورت والحقه على السطح
طلع الحج كعكي بدو انو انا انضف الخزانات
المهم قلتلو من عيوني يا ابو كعكي انزل وارتاح وما يكونلك فكر
ففضيت الخزان الاول
و دخلت جوا الخزان
بعد اقل من دقيقتين كنت طالع ودموعي عخدي
ما قدرت أتحمل فكرة وجودي جوا الخزان وانضغطت بسرعة متناهية وبس بدي اطلع
هديت شوي ونزلت قلت لابوي الدنيا نار وما قدرت اتحمل، بعد الظهر بنضفهم على كيف كيفك
ولا يكون لك فكر يا حجي

بعد الظهر
مامي ودادي شدو الرحيل على عرس بعرفشمين ابن عم هظاك الي مأخذ بسة بنت عم هدولاك الناس
فتحت الوسيط واتصلت ع واحد وجبته ونضف الخزانات واتسهل في ساعة زمن

أجا الحج وشاف الخزانات وعجبوا الشغل والله يرضي عليك والله انك جدع وزلمة
وانا تسلم يا حج تعليمك والله يخليلي اياك و و و

نزلنا واشربنا شاي وقاعدين بامان الله والله الحج اتصل بمامتو اللي هي بتكون جدتي
ويسولفو وبعرفشو وحكي حصيدة واللي منو
وما اسمع الى أبوي بقول لجدتي يوم الجمعة الجاي كعكي جاي ينظفلك خزان المية
فما تظخوا مية كثير فوق
رح يجي بعد الظهر بس تهدى الشمس

انا بدي اعيط

9 كعكيات:

Anonymous said...

ههههههههههههههه، يا حرام حزنتني عليك.
المهم خلي رقم الشب اللي نضف معك واحكي لستك انو صاحبك بموت على تنضيف الخزانات وجاي يساعدك. :)

بس مش من الزعل تقوم تتهور وتكسر الروجيم
حنين

Em Ommar said...

خطاااااااااااااااايااااااااااااااااااااااااااه


لووووووووووووووووووووووووووووووووووول


تعيطش,, بدك الدموع وقت التنظيف,, بلزموك بدل العرق

EvaLuna said...

كعكي على راسي والله!!

أنا نفس الاشي ، ضليت أخاف من الأصانصيرات لا حد ما ربنا كتب علي أعيش على الطابق العاشر لوووول
ذكرتني بغسان كنفاني او رواية رجال فالشمس ،،، بس قرأتها اكتأبت من الموته إلي ماتوها )بديش أخربها عليك إذا انك مش قارئها(

Em Ommar said...

@Evaluna

وإزا بتتزكري الفلم كمان ,, كان المخرج إمصورهم جوات خزان مي مولع تحته نار عن جد
عشان يطلع المشهد مطابق للروايه
:(

sheeshany said...

بدي أقول تستاهل بس خايف من الخطايا!

بسيطة! أطلب كعك مهوووووووووول لقاء الخدمات و بتكون ربحان
:)

Rain said...

يحرااااااام
بنصحك تتعاقد مع منظف خزانات من هون لتتجوز و تنتقل من بيت أهلك

Whisper said...

ههههههههههههههههههههههههههه....يا حرام يا كعكي... بس الحجه والله اعلم ما راح تتركك...بالعاده الحجات بحبو يشرفو عالشغل و اتقانه فااااااااااااااا راحت عليك يا مسكين

يا الله شو بكره الاماكن اللي زي هيك...اذا و انا بقرأ انضغطت فكيف انت...الله يعينك

ملاحظه ع الهامش
كأنه الموضوع من زمان انكتب و مش رادد عالتعليقات؟!؟!؟!؟
O_o الله يستر

sheeshany said...

شكلو شكلو ..
آه

إنك نازل بالكعك
و مش ملحق

سحور و فطور!

اعترف الإنكار مش حيفيدك ، طبع الكعك في كل مكااااااااااان

Bullet said...

! كعكي
وينك ؟؟؟ وين هالغيبة؟؟

Post a Comment