Bloggroll

Pages

Sunday, October 2, 2011

بيان هام

السلام عليكم ورحمة  الله وبركاته
اعزائي البلوجريين
بعد التحية

بلا بيان بلا هم

إنو مممممممممررررررررررررررررررررررررررررررححححببببببببببباااااااااااااااااا
كيفكون؟ هاظا انا كعكي

بعرف انو صارلي كمشة اسابيع ما شعبرت على البلوج و ما تزانخت على حدا و في شكلو كثير اشياء صارت بغيابي
بس انا متطمن انو انتو كنتو شطار ومواظبين على واجباتكم البلوجرية

اسباب الغياب:
بعد الفوبيا رحت ونظفت خزان جدتي و كان كلو تكام
بس صار عندي شوية ظروف عائلية بسيطة والحمدالله
وكمان صار عندي ظروف شخصية من النوع الى بنتج عنه تحطم الفؤاد وعدم الرغبة انك تشوف اي بني ادم والسباحة والغوص في اعماق بحار الإكتأب ولكن الحمدالله هيني منيح ونزل وزني اراوند 2 كغ من قلة الكعك، حتى كعك العيد ما قربت عليه

إلمهز تركت الشغل و اعتكفت مع حالي لمدة شهر ونص وطلعت بشغل جديد وشكلو منيح لهسا صارلي فيو ديز مداوم
وقالتلي المديرة انو انتى يا كعكي بعد ما تتثبت عنا رح تصير تسافر عكمشة دول قريبة عشان تتعرف على شغل الافرع الثانية
ف يا اعزائي هاظنا بنفسية مليحة و قلب يلتئم وعيوني نحو مستقبل مشرق فيه ما لذ وطاب من الحلويات و الكعك

انا بتاسف على الغياب ولكن هاظنا رجعت وكلني زناخة
رح اتخمخم هون و هون واشمشم اخباراتكم كلكون كلكون

عدنا وان شاء الله العود احمد


10 كعكيات:

نيسان said...

قبل السلام والكلام
حدد موقفك:
راجع خوفا من العقاب؟
وللا راجع مجامله؟
وللا راجع تقاهرنا بانك حتسافر لبلدان وتشم الهوا ع حساب شغلك الجديد؟؟؟
وللا راجع تغيظنا ب 2 كيلو كعك؟؟؟
حدد موقفك بالاول وبعدين بنأهل وبنسهل فيك كما يجب

EvaLuna said...

7abbet enakha eribdawyye fe 8awlek: Hathana .. Ahla o sahla feek , walla fagadnak 5assa ma3 ka3ek el 3eed ,,,WelChom Bach :)

w7l said...

و الله يا نيسان ، بعد التهديد الكل رجع ركض ! ايوا هيك من زمان خوفيهم

كعكي said...

نيسانه
انا فهمت
انا فهمت

انا ما رجعت خوفا من عقاب
انا رجعت شوقا لاخواني واخواتي البلوجرية
هااااااييييييييي نيسانة

كعكي said...

اهلا اهلا EvaLuna
سانك يو فيري ماتش إنديد

كعكي said...

دكتور!!!
طبعا رجعنا
كلمة نيسانة ما بتصير ثنتين

Haitham هيثم Al-Sheeshany الشيشاني said...

بخخخخخ

Whisper said...

الحمد لله على السلامه
انا حكيت خلص ضاع الشب بالتنك.... مكنتش تنظيفة تنك يا زلمه

يلا تجربة جديده و صدمة جديده و درس جديد و نزول بالوزن كمان ....كلّه فوائد الك اكيد
ولا يهمك و المهم ارجعت و نورت مدونتك :)

Um Ommar said...

بعدك ألايف وإلا كيف؟

Haitham Jafar said...

ألوووووووووووووووووووو

Post a Comment