يا جماعة الخير بدي اسولفلكو عن ذكرى مرعبة جدا ومن يوميتها صرت انا كعكي الي شايفينه فوق في اعلى الصفحة
في يوم اغبر من الايام لما كنت لساتني كعكي صغير من نوع ابو ريحة إعععع صار في لمة الصبح كالعادة بين الجارات المقربات و ام كعكي و جدة كعكي عفنجان القهوه الصباحية الي من النوع الى بنحكا فيو جميع المواضيع السياسية والإقتصادية و الغذائية والنميمة وكل اشى ممكن تتخيلوه و بالنهاية تم تحديد يوم الجمعة القادم انه رح يطبخو اكلة بتشهي و الكل مشتهيها.
كنت انا كعكي ابو ريحة معطل من المدرسة عطلة نهاية السنة و على راي ستي كنت انا ايامها : قرد مفورص
ما لقيت غير ستي مصحيتني من النوم و بتقولي افطر و البس بدك تروح معي مشوار عالبلد
كيفت انا لانه معناته في ساندويشات فلافل و رح اطلع من البلد بغنائم و العاب
والله ما في ربع ساعة ويلا انا جاهز للانطلاق ويلا امي بتقول لستي ليش بدك توخذية معك بلاش يعجب عليكي هاد النوري
ستي قالتلها وانا بجنبها انها بدها زلمة يدير بالو عليها، طبعا محسوبكو كعكي راسو ما كبر الا شوي
المهز.. بدت رحلتنا عل 8 الصبح و ركبنا جحش الدولة و ستي اشترتلي عصير و شبس من الدكان عشان اضلني مخروس برحلة الشتاء و الصيف، وصلنا للبلد اشترينا ساندويشات فلابس و بيبسي ومرينا على تريليون محل قماش و خضرة و شكلها يوميتها جدتي متفقة مع عمي انه يلاقيها بالبلد وحطينا المشتريات في السيارة و اخذنا بسيارتو وراح نزلنا بمحل غريب علي وقال لستي انا بدي نص ساعة وبرجعلكم و برجعم عالبيت....
ريحة المكان مقرفة بشكل كبير وستي ماسكه بايدي و مو راضية تفلتني من مرة...
بدينا ندخل المكان وعرفت وقتها ليش ستي مو راضيه تفلت ايدي... طلعنا رايحين المسلخ
صار صحاب المحلات يفتحو البراميل الكبيرة ويفرجو جدتي الروس والاجرين ول ول ول ول
وانا كعكي عشت فلم رعب مدة 141541454415 ساعة وهي بالحقيقة كلها نص ساعة ودموعي اقوى من مية البلدية الله وكيلكم والزلمة اللي نزل عل البلد عشان يحمي جدتو اختفى... ورجع القرد العيوط المفورص في تلك اللحظة الى ان وصلت الى حضن امى
وكانت هاي اخر مرة بنزل فيها عالبلد مع جدتي
وكانت هاي اخر مرة بنزل فيها عالبلد مع جدتي
طبعا طول الطريق واحنا مروحيين وعمي نازل في مسبات : اخص عليك، وانا كنت مفكرك زلمة و و و و
وكانت دراما مؤثرة بشكل كبير حتى اتت على تشويه منظري الى ما هو عليه في الاعلى وكوابيس لأكمن يوم
طبعا عرفت انه رح يطبخو هاي الاشياء يوم الجمعة، فاتصلت بمرة عمي و اترجيتها تتصل بامي عشان اروح انام عندهم ليوم السبت او الاحد و وعدت مرت عمي انه ما اتعربش على السلم و اوقع واطج راسي و:
ما العب بالطابة و اكسر الشباك تبع غرفة النوم
ما اتحركش ببنت عمي و اقص شعر الباربي تبعتها
ما اروح العب بالعمارة المهجورة وارمي حجار عالشارع.
للعلم سبب الذهاب لدار عمي حتى اتفادى القانون العرفي الذي ينص:
على جميع سكان المنزل ان يتواجدو في اوقات محددة على طاولة الطعام و على اكل ما يوضع في صحنهم بالكامل و يحق لجميع سكان المنزل ان يطلبو المزيد بادب و احترام بشرط ان يؤكل بشكل كامل. ولا يحق لاي احد ابداء اي اعتراض على نوع او طعم الطعام الذي قدم لهم، و يتم الشكر لله لكرمه في توفير الطعام لسكان المنزل.
ومن يخالف القانون اعلاه سوف يتم تعريضه ل:
التعنيف اللفظي
التعنيف الجسدي
التعنيف اللفظي و الجسدي
الحرمان من المصروف و مزايا اخرى مثل التلفاز و الخروج من المنزل و اللعب مفي ساحة المنزل
جميع ما ذكر اعلاه
*ملاحظة: العقوبات المذكوره اعلاه للتعدديد فقط و ليست للحصر
ودمتم.
8 كعكيات:
يا مشحّر!
:]]]
"انا هيك فكرتي عن التضامن، آه"
:P
----------
بس جد تجربة مرعبة من وين ما اتطلعت عليها!
:(
هيك الذكريات واللا بلاش....ضحكتني كتير...زكرتني بسمير غانم واسلوبه الساخر في الكلام:)
ولولا ضحكتني ما كنت بدي اكمل قراءه...
روس ومقادم!!!! يع يع يع
هيثم
من يوميتها لهل الساعة هاي بكره عيد الأضحى وبتجنب اروح محل يكون في اضاحي
نيسانه
ذكريات...... منيلة بستين نيلة
وانا كتبت هاي البوست بعد ما جاوبت على الكومنت تبعك الى في البوست السابق
بالمحصلة
انتي السبب في كتابة هذا البوست
تحشييييييييييييييييييييييييش
و انا بقول ليش هيك طالع يا نونو
مسلخ؟؟؟؟؟
طبيعي يكون فيلم رعب...ولا كل ساندويشات الفلافل ممكن تغطي على هيك منظر و ريحه :$
قبل ما اسافر بكم يوم نزلت انا وماما عالبلد و اللي كان الي سنييين مش نازلته, وصفيت السياره بكراج قريب ال "جوره" على رأيهم و يا دوب نص ساعه اتصلو فينا لشي ضروري و روحنا و ضل نفسي بساندويش الفلافل من البلد و كنافة حبيبه اللي كنا ناويين ناكلهم :(
بدي من سانديشات الفلافل اللي مليانه حمص و بتكون بالرغيف الصغير مقسوم لنصين, المفرود مش اللي بلفوها لف :)
بدي منهم هلأ :$
وين كنّا؟؟؟
اه المسلخ :)
الله يعينك على هالذكرى :)
رين:
شو نونو ما نونو
بليز ريفير تو مي باي ماي نيم: كعكي المسخمط
ويسبر: بدك الساندويشات عادي ولا سوبر؟
بشطة ولا بدون؟
الديلفري رح يكون عن طريق ارامكس اذا ما عندك مانع
تشجيعا للخدمات الوطنية
Post a Comment